அரசு ஊழியர்கள் மற்றும் ஆசிரியர்களுக்கு சட்டப்பேரவையில் முதல்-அமைச்சர் மு.க.ஸ்டாலின் வெளியிட்ட முக்கிய அறிவிப்புகள் :

Important announcements made by Chief Minister M.K. Stalin in the Legislative Assembly for government employees and teachers: - அரசு ஊழியர்கள் மற்றும் ஆசிரியர்களுக்கு சட்டப்பேரவையில் முதல்-அமைச்சர் மு.க.ஸ்டாலின் வெளியிட்ட முக்கிய அறிவிப்புகள் :

* பகுதி நேர ஆசிரியர்களை பணி நிரந்தரம் செய்ய சிறப்பு மதிப்பெண் அளிக்கப்படும்: முதல்-அமைச்சர் மு.க.ஸ்டாலின்

* சத்துணவு, அங்கன்வாடி, கிராம ஊராட்சி செயலாளர்களுக்கான ஓய்வூதியம் உயர்வு

* அங்கன்வாடி பணியாளர்களுக்கு ஓய்வூதியம் ரூ.2,000-ல் இருந்து ரூ.3,400 ஆக உயர்வு: முதல்-அமைச்சர் தமிழ்நாடு சட்டப்பேரவையில் இன்று (ஜனவரி 24, 2026), ஆளுநர் உரைக்கு பதிலளித்து பேசிய முதலமைச்சர் மு.க.ஸ்டாலின், சத்துணவு மற்றும் அங்கன்வாடி ஊழியர்களுக்கு ஓய்வூதியம் மற்றும் பணிக்கால பலன்களை உயர்த்தி வழங்குவதாக அதிரடி அறிவிப்புகளை வெளியிட்டுள்ளார்.

முக்கிய அறிவிப்புகள் பின்வருமாறு:

ஓய்வூதியம் மற்றும் பணப்பலன்கள் உயர்வு

சத்துணவு மற்றும் அங்கன்வாடி பணியாளர்களின் நீண்டகால கோரிக்கையை ஏற்று கீழ்க்கண்ட உயர்வுகள் அறிவிக்கப்பட்டுள்ளன:

சத்துணவு அமைப்பாளர்கள் மற்றும் அங்கன்வாடி பணியாளர்கள்: இவர்களுக்கான மாதாந்திர ஓய்வூதியம் ரூ.2,000-லிருந்து ரூ.3,400-ஆக உயர்த்தப்பட்டுள்ளது.

பணி நிறைவு பணிக்கொடை (Lumpsum): பணியின் இறுதியில் வழங்கப்படும் ஒட்டுமொத்தத் தொகை ரூ.1 லட்சத்திலிருந்து ரூ.2 லட்சமாக இருமடங்காக உயர்த்தப்பட்டுள்ளது.

குறு அங்கன்வாடி பணியாளர்கள் & வன களப்பணியாளர்கள்: இவர்களுக்கான சிறப்பு ஓய்வூதியம் ரூ.3,200-ஆக (முன்பு ரூ.2,000) உயர்த்தப்பட்டுள்ளது.

இவர்களுக்கான பணி நிறைவு பலனும் ரூ.2 லட்சமாக உயர்த்தப்பட்டுள்ளது. அங்கன்வாடி உதவியாளர்கள், சமையலர்கள் & துப்புரவு பணியாளர்கள்: இவர்களுக்கான ஓய்வூதியம் ரூ.3,000-ஆக (முன்பு ரூ.2,000) உயர்த்தப்பட்டுள்ளது. பணி நிறைவு பலன் ரூ.50,000-லிருந்து ரூ.1 லட்சமாக அதிகரிக்கப்பட்டுள்ளது.

குடும்ப ஓய்வூதியம் (Family Pension)

ஓய்வூதியம் பெற்று வந்த பணியாளர்கள் காலமானால், அவர்களது குடும்பத்தினருக்கு வழங்கப்படும் ஓய்வூதியமும் உயர்த்தப்பட்டுள்ளது:

சத்துணவு அமைப்பாளர் குடும்பங்களுக்கு: ரூ.1,200.

அங்கன்வாடி பணியாளர் குடும்பங்களுக்கு: ரூ.1,100.

சிறப்பு ஓய்வூதியம் பெறுவோர் காலமானால், அவர்களது இறுதிச் சடங்கிற்காக வழங்கப்படும் நிதி ரூ.20,000-ஆக உயர்த்தப்பட்டுள்ளது.

பிற முக்கிய அறிவிப்புகள்

சமூகப் பாதுகாப்பு ஓய்வூதியம்: முதியவர்கள், கைவிடப்பட்ட பெண்கள் உள்ளிட்ட தகுதியுள்ள கூடுதல் 1.80 லட்சம் பேருக்கு மாதாந்திர ஓய்வூதியம் வழங்கும் திட்டம் பிப்ரவரி 4 முதல் தொடங்கப்படும்.

பகுதி நேர ஆசிரியர்கள்: அரசுப் பள்ளிகளில் பணிபுரியும் பகுதி நேர ஆசிரியர்களுக்கு, நிரந்தர ஆசிரியர் பணி நியமனத்தின் போது அவர்களது அனுபவத்திற்கு ஏற்ப சிறப்பு மதிப்பெண்கள் வழங்கப்படும்.

கலைஞர் கனவு இல்லம்: இத்திட்டத்தின் கீழ் கூடுதலாக 1 லட்சம் வீடுகள் கட்டித் தரப்படும்.

ஊரகச் சாலைகள்: சுமார் 2,200 கி.மீ தூரத்திற்கு ஊரகச் சாலைகள் ரூ.1,088 கோடி மதிப்பீட்டில் மேம்படுத்தப்படும்.