ஆசிரியர் தேர்வு வாரியம் (TRB) இரண்டாம் கட்ட சிறப்பு ஆசிரியர் தகுதித் தேர்வு (Special TNTET-2) தேதியை அறிவித்துள்ளது. மேலும், விண்ணப்பிக்கும் ஆசிரியர்கள் புதிய பணிச்சான்றிதழ் படிவத்தை (New Service Certificate Format) பதிவேற்றம் செய்ய வேண்டும் என உத்தரவிட்டுள்ளது.
தமிழ்நாடு ஆசிரியர் தேர்வு வாரியம் (TRB) பள்ளிகளில் பணிபுரிந்து வரும் தகுதியான ஆசிரியர்களுக்கான இரண்டாம் கட்ட சிறப்பு ஆசிரியர் தகுதித் தேர்வு (Special TNTET-2) குறித்த முக்கிய அறிவிப்பை வெளியிட்டுள்ளது. இத்தேர்விற்கு விண்ணப்பிக்கும் போது புதிய பணிச்சான்றிதழ் படிவத்தை மட்டுமே பயன்படுத்த வேண்டும் என வாரியம் அறிவுறுத்தியுள்ளது.
சிறப்பு ஆசிரியர் தகுதித் தேர்வு (Special TNTET-2) தேதிகள்:
ஆசிரியர் தேர்வு வாரியத்தின் அறிவிக்கை எண். 2/2026, நாள் 26.10.2026 இன் படி, 01.09.2025 அன்றோ அல்லது அதற்கு முன்னரோ பணியில் சேர்ந்து தற்போது அரசு, அரசு உதவி பெறும் மற்றும் அங்கீகரிக்கப்பட்ட தனியார் பள்ளிகளில் பணிபுரிந்து வரும் ஆசிரியர்களுக்கான சிறப்பு தகுதித் தேர்வு 20.12.2026 அன்று நடத்த உத்தேசிக்கப்பட்டுள்ளது.
இதன்படி, 20.12.2026 அன்று முற்பகலில் (F.N) தாள்-II (Paper 2) தேர்வும், பிற்பகலில் (A.N) தாள்-I (Paper 1) தேர்வும் நடைபெறும் என அதிகாரப்பூர்வமாக அறிவிக்கப்பட்டுள்ளது.
புதிய பணிச்சான்றிதழ் படிவம் (New Service Certificate Format) கட்டாயம்:
இத்தேர்விற்கு இணையவழியில் விண்ணப்பிக்கும் ஆசிரியர்களுக்காகப் புதிய பணிச்சான்றிதழ் படிவம் வடிவமைக்கப்பட்டு அரசாணையின் பிற்சேர்க்கை-1 (Annexure-1) இல் வழங்கப்பட்டுள்ளது. விண்ணப்பதாரர்கள் இப்பெறப்பட்ட புதிய படிவத்தில் கோரப்பட்டுள்ள அனைத்து விபரங்களையும் எவ்வித மாற்றமுமின்றி முழுமையாகப் பூர்த்தி செய்ய வேண்டும். பின்னர் உரிய வழிகளிலான அலுவலர்களின் சான்றொப்பம் (Signature) பெற்று, அந்த படிவத்தை மட்டுமே இணையவழி விண்ணப்பத்தில் பதிவேற்றம் செய்தல் வேண்டும்.
பழைய படிவத்தைப் பயன்படுத்தினால் விண்ணப்பம் நிராகரிப்பு:
புதிய படிவத்திற்கு மாறாகப் பணிச்சான்றிதழ் படிவத்தில் உள்ள விபரங்களை மாற்றம் செய்து பதிவேற்றினாலோ, அல்லது கடந்த முதற்கட்ட (Special TNTET-1) ஜூலை 2026 தேர்வில் வழங்கப்பட்ட பழைய பணிச்சான்றிதழ் படிவத்தைப் பதிவேற்றம் செய்தாலோ, அவ்விண்ணப்பதாரர்களின் விண்ணப்பம் முற்றிலும் நிராகரிக்கப்படும் என்று ஆசிரியர் தேர்வு வாரியம் எச்சரித்துள்ளது.
தலைமையாசிரியர்களுக்கு விடுக்கப்பட்டுள்ள உத்தரவு:
எனவே, புதிய பணிச்சான்றிதழ் படிவத்தில் மட்டுமே சான்று பெற்று ஆசிரியர்கள் இச்சிறப்பு தகுதித் தேர்வுக்கு விண்ணப்பிக்க வேண்டும் என்பதைச் சார்ந்த பள்ளித் தலைமையாசிரியர்கள் மூலம் தகுதியான ஆசிரியர்களுக்குத் தெரிவிக்க உரிய நடவடிக்கைகளை உடனடியாக மேற்கொள்ளுமாறு பள்ளி கல்வி இயக்ககம் மற்றும் தொடக்கக் கல்வி இயக்ககம் உள்ளிட்ட அனைத்து துறை இயக்குநர்களுக்கும் வாரியத் தலைவர் திருமதி. S. ஜெயந்தி, இ.ஆ.ப., அவர்கள் கடிதம் மூலம் கேட்டுக்கொண்டுள்ளார்.
ஆசிரியர் நியமனங்கள், டிஆர்பி (TRB) முடிவுகள் மற்றும் பள்ளி கல்வித்துறை சார்ந்த அனைத்து உடனுக்குடனான செய்திகளையும் உடனே பெற தொடர்ந்து நமது இணையதளத்தைப் பின்தொடருங்கள்!
Special TNTET 2 2026, TRB TNTET Special Exam, TNTET New Service Certificate, சிறப்பு ஆசிரியர் தகுதித் தேர்வு 2026, TNTET Exam Date.
No comments:
Post a Comment
கல்விச்செய்தி நண்பர்களே.. வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.