ஓய்வூதியதாரர்களுக்கு தீபாவளி பரிசு! அகவிலைப்படி 63% ஆக உயர்வு - தமிழக அரசு அரசாணை எண் 239 வெளியீடு!

ஓய்வூதியதாரர்களுக்கு தீபாவளி பரிசு! அகவிலைப்படி 63% ஆக உயர்வு - தமிழக அரசு அரசாணை எண் 239 வெளியீடு!

தமிழ்நாடு அரசு ஊழியர்கள் மற்றும் ஆசிரியர்களைத் தொடர்ந்து, மாநில அரசின் ஓய்வூதியதாரர்கள் மற்றும் குடும்ப ஓய்வூதியதாரர்களுக்கான அகவிலைப்படியையும் (Dearness Allowance - DA) 63 சதவீதமாக உயர்த்தி தமிழக அரசு அதிகாரப்பூர்வ அரசாணையை வெளியிட்டுள்ளது. தீபாவளி பண்டிகை கால கட்டத்தில் வெளியாகியுள்ள இந்த அறிவிப்பு ஓய்வூதியதாரர்களிடையே பெரும் மகிழ்ச்சியை ஏற்படுத்தியுள்ளது.

அரசாணை எண் 239: நிதி (ஓய்வூதியம்) துறை வெளியீடு

தமிழக அரசின் நிதி (ஓய்வூதியம்) துறை 31-10-2026 தேதியிட்டு வெளியிட்டுள்ள அரசாணை எண். 239-ல் இதற்கான அதிகாரப்பூர்வ உத்தரவுகள் விரிவாக வழங்கப்பட்டுள்ளன. அரசு ஊழியர்களுக்கான அகவிலைப்படி 60%-லிருந்து 63%-ஆக உயர்த்தப்பட்டதைத் தொடர்ந்து, தற்போது ஓய்வூதியதாரர்களுக்கும் இந்த பலன் நீட்டிக்கப்பட்டுள்ளது.

அகவிலைப்படி உயர்வு விபரங்கள் (01-07-2026 முதல் அமல்)

அரசாணையின்படி, திருத்தப்பட்ட அகவிலைப்படி உயர்வு கடந்த 01 ஜூலை 2026 முதல் முன்யேற்பாடாக நடைமுறைக்கு வருகிறது. இதற்கான விபரங்கள் கீழே அட்டவணைப்படுத்தப்பட்டுள்ளன:

எந்த நாளிலிருந்து வழங்கத்தக்கது	திருத்தியமைக்கப்பட்ட அகவிலைப்படி வீதம் (மாதம் ஒன்றுக்கு)
01.07.2026 முதல்	அடிப்படை ஓய்வூதியம் / குடும்ப ஓய்வூதியத்தில் 63 சதவீதம்

நிலுவைத்தொகை மற்றும் ரொக்கப் பணம் வழங்கும் முறை

1. ரொக்கமாக வழங்கல்: அகவிலைப்படி உயர்வு 01-07-2026 முதல் கணக்கிடப்படுவதால், ஜூலை 2026 முதல் அக்டோபர் 2026 வரையிலான 4 மாத காலத்திற்கான அகவிலைப்படி நிலுவைத்தொகை (Arrears) தற்போது நடைமுறையிலுள்ள பணமில்லா பரிவர்த்தனை முறை (ECS / மின்னணு தீர்வு சேவை) மூலமாக ஓய்வூதியதாரர்களின் கணக்கில் நேரடியாக செலுத்தப்பட வேண்டும்.

2. தீபாவளி பண்டிகை கணக்கீடு: இந்த நிலுவைத் தொகையை ஓய்வூதியதாரர்களின் தீபாவளி பண்டிகைக் காலச் செலவினங்களைக் கருத்தில் கொண்டு விரைவாக வழங்க உரிய நடவடிக்கை எடுக்க அறிவுறுத்தப்பட்டுள்ளது.

3. காசுகள் கணக்கீடு: திருத்தப்பட்ட அகவிலைப்படியைக் கணக்கிடும்போது ஒரு ரூபாய்க்குக் குறைவாக வரக்கூடிய தொகை, 50 காசுகளும் அதற்கு மேலும் இருக்குமாயின் அதனை அடுத்த ஒரு ரூபாயாக கணக்கிலெடுத்துக் கொள்ள வேண்டும். 50 காசுக்குக் குறைவாக இருந்தால் அதனைத் தள்ளிவிட வேண்டும்.

இந்த உயர்வு யாருக்கெல்லாம் பொருந்தும்?

இந்த புதிய அகவிலைப்படி உயர்வு அரசாணையின் கீழ் பின்வரும் ஓய்வூதியதாரர்கள் பயன் பெறுவார்கள்:

• மாநில அரசு ஓய்வூதியதாரர்கள், அரசு உதவி பெறும் மற்றும் உள்ளாட்சி மன்ற கல்வி நிறுவனங்களின் ஓய்வூதியதாரர்கள்.
• பொதுத்துறை நிறுவனம், தன்னாட்சி நிறுவனம், உள்ளாட்சி அமைப்புகள் மற்றும் கூட்டுறவு நிறுவனங்களில் ஒட்டுமொத்தத் தொகை பெற்று ஓய்வூதியத்தைத் தொகுத்துத் தொகையாகப் பெற்றுத் திரும்பப் பெறும் தகுதியுடைய மாநில அரசுப் பணியாளர்கள்.
• தற்போதைய மற்றும் எதிர்கால குடும்ப ஓய்வூதியதாரர்கள்.
• 01-11-1956 அன்று தமிழ்நாடு மாநிலத்திற்கு மாற்றப்பட்ட பகுதிகளில் (கன்னியாகுமரி மாவட்டம், செங்கோட்டை வட்டம்) கருவூலங்களில் ஓய்வூதியம் பெறுகின்ற முந்தைய திருவிதாங்கூர்-கொச்சி மாநில ஓய்வூதியதாரர்கள்.
• தமிழ்நாடு சிறப்பு ஓய்வூதிய விதிகளின் கீழ் சிறப்பு ஓய்வூதியம் மற்றும் கருணைப்படி பெறும் ஓய்வூதியதாரர்கள்.

கருவூல அலுவலர்களுக்கு இயக்குநரின் முக்கிய உத்தரவு

இதற்கான கணக்குத் தலைப்பு "2071. ஓய்வூதியங்களும் ஏனைய ஓய்வுக்கால நன்மைகளும் - 01. குடிமுறை - 101. வயது முதிர்வு - பணி ஓய்வுக்காலப் படிகள் மாநிலச் செலவினங்கள் - AA. தமிழ்நாடு அரசு ஓய்வூதியம் பெறுபவர்களுக்குத் தொகை கொடுத்தல் - 303. அகவிலைப்படி - 01. அகவிலைப்படி. (IFHRMS: த.தொ.கு. 2071 01 101 AA 30301)" என்பதன் கீழ் பற்று வைக்கப்படும்.

ஜூலை 2026 முதல் அக்டோபர் 2026 வரையிலான நிலுவைத் தொகை பட்டியல்களை உடனடியாகத் தயார் செய்து, நிலுவைத் தொகையை விரைந்து வழங்க உரிய நடவடிக்கை எடுக்குமாறு கருவூல கணக்குத் துறை இயக்குநர் அனைத்து சம்பளம் பெறும் வழங்கும் அலுவலர்களையும் கேட்டுக்கொண்டுள்ளார்.

ஓய்வூதியதாரர்கள் அகவிலைப்படி உயர்வு 2026, தமிழ்நாடு அரசு ஓய்வூதியம் DA உயர்வு, அரசாணை எண் 239 நிதித்துறை, TN Pensioners DA Hike 63 percent, ஓய்வூதியதாரர்கள் தீபாவளி போனஸ் அகவிலைப்படி, IFHRMS ஓய்வூதியம் அகவிலைப்படி நிலுவைத்தொகை