TN Schools Children's Day Cake Distribution 2026: குழந்தைகள் தினத்தை முன்னிட்டு நவம்பர் 13 அன்று அனைத்து பள்ளி மாணவர்கள், ஆசிரியர்களுக்கு கேக் (Cake) வழங்குதல் - பள்ளிக்கல்வி இயக்குநர் ஆணை!

TN School Education Children's Day G.O. 168 & 172: பள்ளி மாணவர்களுக்கு கேக் விநியோகம் - 38 மாவட்டங்களுக்கான கண்காணிப்பு அதிகாரிகள் பட்டியல் வெளியீடு

13.11.2026 அன்று குழந்தைகள் தினம் கொண்டாடுதல் தொடர்பாக பள்ளிக் கல்வி இயக்குநரின் செயல்முறைகள்!

குழந்தைகள் தினத்தை முன்னிட்டு, வரும் 13.11.2026 வெள்ளிக்கிழமை அன்று தமிழ்நாடு முழுவதும் உள்ள அனைத்து அரசு மற்றும் அரசு உதவி பெறும் பள்ளி மாணவர்கள், ஆசிரியர்கள் மற்றும் பணியாளர்களுக்குக் கேக் (Cake) வழங்கப் பள்ளிக்கல்வி இயக்குநர் புதிய உத்தரவைப் பிறப்பித்துள்ளார்.

தமிழ்நாடு பள்ளிக்கல்வி இயக்ககம், குழந்தைகள் தின விழாவினை முன்னிட்டு எதிர்வரும் 13.11.2026 (வெள்ளிக்கிழமை) அன்று தமிழகத்தில் உள்ள அனைத்து அரசு மற்றும் அரசு உதவி பெறும் பள்ளிகளில் பயிலும் மாணவர்கள், ஆசிரியர்கள் மற்றும் ஆசிரியரல்லாத பணியாளர்களுக்குக் கேக் (Cake) வழங்கி கொண்டாடுவதற்கான முக்கிய வழிகாட்டுதல்கள் மற்றும் மாவட்ட வாரியான கண்காணிப்பு அலுவலர்களின் பட்டியலை அதிகாரப்பூர்வமாக வெளியிட்டுள்ளது.

குழந்தைகள் தின கொண்டாட்டம் நவம்பர் 13-க்கு மாற்றம்:

பள்ளிக்கல்வி இயக்குநர் (மு.கூ.பொ) திருமதி. ந. லதா அவர்கள் வெளியிட்டுள்ள செயல்முறைகளின்படி (ந.க.எண். 64536/அ1/இ4/2026, நாள்: 10.11.2026), அரசாணை (நிலை) எண். 168 (நாள் 12.10.2026) மற்றும் அரசாணை (நிலை) எண். 172 (நாள் 15.10.2026) ஆகியவற்றின் அடிப்படையில் குழந்தைகள் தின விழா கொண்டாடப்பட உள்ளது.

வழக்கமாக நவம்பர் 14-ஆம் தேதி குழந்தைகள் தினம் கொண்டாடப்படும் நிலையில், இவ்வாண்டு 14.11.2026 அன்று சனிக்கிழமை பள்ளி விடுமுறை நாள் என்பதால், குழந்தைகள் தின விழா கொண்டாட்டமானது ஒரு நாள் முன்னதாகவே அதாவது 13.11.2026 வெள்ளிக்கிழமை அன்று அனைத்துப் பள்ளிகளிலும் கொண்டாடப்படவுள்ளது எனத் தெளிவுபடுத்தப்பட்டுள்ளது. அன்றைய தினம் அனைத்து மாணவர்கள், ஆசிரியர்கள் மற்றும் பணியாளர்களுக்குக் கேக் வழங்கிட அரசளவில் ஆணைகள் வழங்கப்பட்டுள்ளன.

மாவட்ட வாரியாக கண்காணிப்பு அலுவலர்கள் நியமனம்:

இத்திட்டம் எவ்வித குறைபாடுமின்றித் திறமையாகவும் சிறப்பாகவும் செயலாக்கம் செய்யப்படுவதை உறுதி செய்யும் பொருட்டு, 12.11.2026 மற்றும் 13.11.2026 ஆகிய இரு நாட்களில் நேரடியாகக் கள ஆய்வு மேற்கொள்ள இயக்குநர்கள் மற்றும் இணை இயக்குநர்கள் நிலையில் 29 கண்காணிப்பு அலுவலர்கள் நியமிக்கப்பட்டுள்ளனர்:

வ. எண்	கண்காணிப்பு அலுவலரது பெயர் மற்றும் பதவி	ஒதுக்கீடு செய்யப்பட்ட மாவட்டம்
1	திருமதி. ந. லதா - பள்ளிக்கல்வி இயக்குநர் (மு.கூ.பொ) & இயக்குநர், SCERT	சென்னை / செங்கல்பட்டு
2	முனைவர் சி. உஷாராணி - உறுப்பினர் செயலர், தமிழ்நாடு பாடநூல் கழகம்	இராணிப்பேட்டை
3	முனைவர் பெ. குப்புசாமி - இயக்குநர், மாநில பள்ளிசாரா மற்றும் வயது வந்தோர் கல்வி	சேலம்
4	திருமதி. ச. உமா - கூடுதல் திட்ட இயக்குநர், ஒருங்கிணைந்த பள்ளிக்கல்வி	கோயம்புத்தூர் / நீலகிரி
5	முனைவர் பூ. ஆ. நரேஷ் - இயக்குநர், தொடக்கக்கல்வி இயக்ககம்	திருவள்ளூர்
6	திருமதி. க. சசிகலா - இயக்குநர், அரசுத் தேர்வுகள் இயக்ககம்	திருவாரூர்
7	முனைவர் ச. சுகன்யா - இயக்குநர், தனியார் பள்ளிகள் இயக்ககம்	கிருஷ்ணகிரி / தருமபுரி
8	திருமதி. க. ஸ்ரீதேவி - இணை இயக்குநர், ஆசிரியர் தேர்வு வாரியம் (TRB)	கன்னியாகுமரி
9	முனைவர் செ. அமுதவல்லி - இணை இயக்குநர், SCERT	பெரம்பலூர் / அரியலூர்
10	முனைவர் பொ. பொன்னையா - இணை இயக்குநர் (உதவி பெறும் பள்ளிகள்), தொடக்கக்கல்வி	புதுக்கோட்டை
11	முனைவர் வை. குமார் - இணை இயக்குநர், ஒருங்கிணைந்த பள்ளிக்கல்வி	இராமநாதபுரம்
12	முனைவர் த. இராஜேந்திரன் - இணை இயக்குநர் (மேல்நிலை), அரசுத் தேர்வுகள் இயக்ககம்	திருச்சிராப்பள்ளி
13	திருமதி. நா. ஆனந்தி - இணை இயக்குநர், ஒருங்கிணைந்த பள்ளிக்கல்வி	கள்ளக்குறிச்சி
14	முனைவர் வெ. ஜெயக்குமார் - இணை இயக்குநர் (தொழிற்கல்வி), பள்ளிக்கல்வி இயக்ககம்	விழுப்புரம்
15	திரு. மு. இராமசாமி - இணை இயக்குநர் (பணியாளர் தொகுதி), பள்ளிக்கல்வி இயக்ககம்	ஈரோடு
16	திருமதி. செ. சாந்தி - இணை இயக்குநர் (NSS), பள்ளிக்கல்வி இயக்ககம்	திருவண்ணாமலை
17	திரு. பெ. அய்யண்ணன் - இணை இயக்குநர் (இடைநிலை), பள்ளிக்கல்வி இயக்ககம்	வேலூர் / திருப்பத்தூர்
18	திரு. ஆர். பூபதி - இணை இயக்குநர், SCERT	நாகப்பட்டினம் / மயிலாடுதுறை
19	திரு. ச. கோபிதாஸ் - இணை இயக்குநர் (மேல்நிலைக்கல்வி), பள்ளிக்கல்வி இயக்ககம்	திண்டுக்கல் / தேனி
20	திரு. ஆர். சுவாமிநாதன் - இணை இயக்குநர் (நிருவாகம்), தொடக்கக்கல்வி இயக்ககம்	தஞ்சாவூர்
21	திரு. க. முனுசாமி - இணை இயக்குநர், ஆசிரியர் தேர்வு வாரியம் (TRB)	தூத்துக்குடி
22	திரு. மா. இராமகிருஷ்ணன் - இணை இயக்குநர் (நிருவாகம்), SCERT	சிவகங்கை
23	திருமதி. கே. பி. மகேஸ்வரி - இணை இயக்குநர் (பணியாளர்), அரசுத் தேர்வுகள் இயக்ககம்	விருதுநகர்
24	முனைவர் இரா. முருகன் - இணை இயக்குநர், ஆசிரியர் தேர்வு வாரியம் (TRB)	நாமக்கல் / கரூர்
25	திரு. சா. மார்ஸ் - இணை இயக்குநர், தனியார் பள்ளிகள் இயக்ககம்	மதுரை
26	திருமதி. எம். கே. சி. சுபாவதினி - இணை இயக்குநர், கள்ளர் சீரமைப்புப் பள்ளிகள்	திருநெல்வேலி / தென்காசி
27	திரு. து. கணேஷ்மூர்த்தி - இணை இயக்குநர், தனியார் பள்ளிகள் இயக்ககம்	திருப்பூர்
28	முனைவர் அ. புகழேந்தி - இணை இயக்குநர், SCERT	கடலூர்
29	திருமதி. ஏ. சத்தியபாமா - துணை இயக்குநர் (மின் ஆளுமை), பள்ளிக்கல்வி இயக்ககம்	காஞ்சிபுரம்

முதன்மைக் கல்வி அலுவலர்களுக்கான அறிவுரைகள்:

மேற்குறிப்பிட்டுள்ள கேக் விநியோக முறை குறித்து அனைத்து மாவட்ட முதன்மைக் கல்வி அலுவலர்களுக்கும் (CEO) ஏற்கனவே காணொலிக் கூட்டம் (Google Meet) வாயிலாகப் பள்ளிக்கல்வி இயக்குநர் அவர்களால் உரிய அறிவுரைகள் வழங்கப்பட்டுள்ளன. எனவே, ஒதுக்கீடு செய்யப்பட்டுள்ள மாவட்டங்களில் கண்காணிப்பு அலுவலர்கள் உரிய ஆய்வு மேற்கொண்டு விழாவினைச் சிறப்பாக நடத்த ஒத்துழைப்பு நல்குமாறு அறிவுறுத்தப்பட்டுள்ளது.

---

பள்ளி கல்வித்துறை சார்ந்த அனைத்து உடனுக்குடனான செய்திகளையும் உடனே பெற தொடர்ந்து நமது இணையதளத்தைப் பின்தொடருங்கள்!

Children's Day Cake Distribution TN Schools, குழந்தைகள் தினம் கேக் வழங்குதல், பள்ளிக்கல்வி இயக்குநர் செயல்முறைகள் 2026, நவம்பர் 13 குழந்தைகள் தின கொண்டாட்டம், TN School Monitoring Officers List.