தமிழ்நாடு அரசு ஊழியர்களுக்கு ₹1 கோடி இலவச காப்பீடு! வங்கிக் கணக்கில் செய்ய வேண்டிய முக்கிய மாற்றம்!

தமிழ்நாடு அரசு ஊழியர்களுக்கு ₹1 கோடி இலவச காப்பீடு! வங்கிக் கணக்கில் செய்ய வேண்டிய முக்கிய மாற்றம்!

TN Govt Employees Insurance Scheme: தமிழ்நாடு அரசு ஊழியர்களுக்கு மிக முக்கிய அறிவிப்பு ஒன்று வெளியாகியுள்ளது. 2025-2026 ஆம் ஆண்டிற்கான நிதிநிலை அறிக்கையில் அறிவிக்கப்பட்டவாறு, அரசு ஊழியர்களின் சம்பளக் கணக்கை பராமரிக்கும் வங்கிகள் மூலமாக மிகப்பெரிய அளவிலான இலவசக் காப்பீடு மற்றும் நலத்திட்ட உதவிகள் வழங்கப்பட உள்ளன.

இது தொடர்பாக நிதித் துறை (கருவூலம் மற்றும் கணக்குகள்) சார்பாக அரசாணை எண். 113 (GO Ms No. 113, Date: 14.05.2025) வெளியிடப்பட்டுள்ளது. இந்த சலுகைகளைப் பெற அரசு ஊழியர்கள் தங்களின் வங்கிக் கணக்கை எவ்வாறு மாற்றம் செய்ய வேண்டும் என்ற விவரங்கள் கீழே தொகுத்து வழங்கப்பட்டுள்ளன.

இணைக்கப்பட்டுள்ள முதன்மை வங்கிகள் (Empaneled Banks)

அரசு ஊழியர்களின் சம்பளக் கணக்குகளை "State Government Salary Package" (SGSP) கீழ் பராமரிக்க பின்வரும் வங்கிகள் ஒப்பந்தம் செய்துள்ளன:

• ஸ்டேட் வங்கி (SBI)
• இந்தியன் ஓவர்சீஸ் வங்கி (IOB)
• இந்தியன் வங்கி (IB)
• கனரா வங்கி (Canara Bank)
• ஆக்ஸிஸ் வங்கி (Axis Bank)
• பேங்க் ஆஃப் பரோடா (BOB)
• யூனியன் பேங்க் ஆஃப் இந்தியா (UBI)

வழங்கப்படும் சலுகைகள் மற்றும் காப்பீட்டுத் தொகை விவரம்

வ.எண்	சலுகைகளின் விவரம்	காப்பீடு / நிதியுதவித் தொகை
1	அரசு ஊழியர் விபத்தில் மரணம் அடைந்தால்	₹1 கோடி (₹1,00,00,000)
2	விபத்து காரணமாக நிரந்தர இயலாமை ஏற்பட்டால்	₹1 கோடி வரை
3	பணியில் இருக்கும்போது இயற்கை மரணம் அடைந்தால்	₹10,00,000/- (Term Life Cover)
4	விபத்தில் இறந்த அலுவலரின் திருமண வயதை எட்டியுள்ள மகள்களின் திருமண உதவி	₹10,00,000/- வரை
5	விபத்தில் இறந்த அலுவலரின் பிள்ளைகளின் உயர் கல்விக்கான உதவித்தொகை	₹10,00,000/- வரை
6	பிற சலுகைகள்	குறைந்த வட்டியில் கடன் சலுகைகள் (வங்கிகள் அடிப்படையில்)

இத்திட்டத்திற்கு மாற தேவையான ஆவணங்கள் (Required Documents)

தங்களது தற்போதைய வங்கிக் கணக்கினை இப்புதிய அரசு சம்பள தொகுப்புத் திட்டத்திற்கு (State Government Salary Package) மாற்றிக் கொள்ள, சம்பந்தப்பட்ட வங்கி கிளையில் விண்ணப்பத்தைப் பூர்த்தி செய்து பின்வரும் நகல்களைச் சமர்ப்பிக்க வேண்டும்:

• வங்கி கணக்கு புத்தக நகல் (Passbook Copy)
• அரசு ஊழியர் அடையாள அட்டை (Staff ID Card)
• சம்பள சான்றிதழ் / Payslip
• ஆதார் அட்டை நகல் (Aadhaar Card)
• பான் அட்டை நகல் (PAN Card)

அரசு ஊழியர்கள் செய்ய வேண்டியது என்ன?

அனைத்து அரசு அலுவலக வரைவு மற்றும் வழாங்கு அலுவலர்கள் (DDOs) தங்கள் கீழ் பணிபுரியும் ஊழியர்களின் வங்கிக் கணக்குகள் மேற்கண்ட வங்கிகளில் "State Government Salary Package" திட்டத்தின் கீழ் இணைக்கப்பட்டுள்ளதை உறுதி செய்ய வேண்டும். இதன் மூலம் எந்தவித கூடுதல் கட்டணமும் இன்றி குடும்பத்திற்கான முழு நிதிப் பாதுகாப்பைப் பெற முடியும்.