தமிழக அரசு ஊழியர்களுக்கு 3% அகவிலைப்படி உயர்வு அரசாணை வெளியீடு: அரசாணை (நிலை) எண்.235, நாள்: 31-10-2026

தமிழக அரசு ஊழியர்களுக்கு 3% அகவிலைப்படி உயர்வு அரசாணை வெளியீடு: நிலுவைத்தொகை மின்னணு தீர்வு மூலம் வழங்க உத்தரவு!

தமிழக அரசு ஊழியர்கள், ஆசிரியர்கள் மற்றும் உள்ளாட்சி அமைப்புகளின் பணியாளர்களுக்கு அகவிலைப்படியை 63% ஆக உயர்த்தி நிதித்துறை அரசாணை எண். 235-ஐ அதிகாரப்பூர்வமாக வெளியிட்டுள்ளது.

சென்னை: தமிழக அரசு ஊழியர்கள், ஆசிரியர்கள் மற்றும் ஓய்வூதியதாரர்களுக்கு 01.07.2026 முதல் திருத்தப்பட்ட வீதத்தில் அகவிலைப்படி (Dearness Allowance - DA) 3 சதவீதம் உயர்த்தி வழங்குவது குறித்த அதிகாரப்பூர்வ அரசாணையைத் தமிழ்நாடு அரசின் நிதிப் படிகள் துறை வெளியிட்டுள்ளது.

அரசாணை மற்றும் விகிதாச்சார விவரங்கள்:

மாண்புமிகு முதலமைச்சர் அவர்களின் அறிவிப்பின் அடிப்படையில், நிதித்துறை அரசு கூடுதல் தலைமைச் செயலாளர் திரு. மு.அ. சித்திக் இ.ஆ.ப. அவர்கள் ஆளுநரின் ஆணைப்படி அரசாணை (நிலை) எண்.235, நாள்: 31-10-2026 (ஐப்பசி -14, திருவள்ளுவர் ஆண்டு 2057)-ஐ வெளியிட்டுள்ளார்.

முன்னதாக அரசாணை (நிலை) எண்.97-ன் படி, 01-01-2026 முதல் அடிப்படை ஊதியத்தில் 60 சதவீதமாக அகவிலைப்படி வழங்கப்பட்டு வந்தது. தற்பொழுது வெளியிடப்பட்டுள்ள புதிய அரசாணையின்படி, மாண்புமிகு முதலமைச்சர் அவர்களின் உத்தரவை ஏற்று 3 விழுக்காடு கூடுதலாக உயர்த்தி, 01-07-2026 முதல் அடிப்படை ஊதியத்தில் 63 சதவீதமாக (63%) திருத்தியமைக்கப்பட்டு அனுமதி வழங்கப்பட்டுள்ளது.

நிலுவைத்தொகை மற்றும் கணக்கீட்டு முறை:

இந்த அரசாணையின் கீழ் ஜூலை 2026 முதல் அக்டோபர் 2026 வரையிலான நான்கு மாத கால அகவிலைப்படி நிலுவைத் தொகையானது (DA Arrears), தற்பொழுது நடைமுறையில் உள்ள பணமில்லாப் பரிவர்த்தனை முறை அதாவது மின்னணு தீர்வு சேவை (ECS) மூலம் ஊழியர்களின் வங்கி கணக்குகளில் நேரடியாக வழங்கப்பட வேண்டும் என உத்தரவிடப்பட்டுள்ளது.

அகவிலைப்படியினைக் கணக்கிடுகையில், ஒரு ரூபாய்க்குக் குறைவாக வரக்கூடிய தொகை 50 காசுகள் அல்லது அதற்கு மேலும் இருக்குமாயின் அதனை அடுத்த ஒரு ரூபாயாகக் கணக்கிட வேண்டும். அதுவே 50 காசுகளுக்குக் குறைவாக இருந்தால் அந்த விபரம் முற்றிலும் விட்டுவிடப்பட வேண்டும் எனவும் கணக்கீட்டு வழிகாட்டுதல்கள் தெளிவுபடுத்தப்பட்டுள்ளன.

இப்பயன் பெறக்கூடிய தகுதியான பணியாளர்களின் பட்டியல்:

இந்த அரசாணையின் கீழ் திருத்தப்பட்ட அகவிலைப்படி உயர்வு சலுகையைப் பெறக்கூடிய தகுதிவாய்ந்த ஊழியர்களின் விவரங்கள் பின்வருமாறு:

• மாநில அரசின் கீழ் பணிபுரியும் முழு நேரப் பணியாளர்கள் மற்றும் சில்லறைச் செலவு நிதியிலிருந்து நிர்ணயிக்கப்பட்ட மாதாந்திர ஊதியம் பெறும் முழு நேர அலுவலர்கள்.


• அரசு உதவி பெறும் கல்வி நிறுவனங்களில் பணிபுரியும் தகுதியான ஆசிரியர்கள் மற்றும் ஆசிரியர் அல்லாத பிற பணியாளர்கள்.


• உள்ளாட்சி அமைப்புகள் (மாநகராட்சி, நகராட்சி, ஊராட்சி), பல்கலைக்கழக மான்யக் குழு (UGC) / அகில இந்திய தொழில்நுட்பக் கல்விக் குழு (AICTE) சம்பள வீதங்களின் கீழ் வரும் அலுவலர்கள்.


• அரசு மற்றும் அரசு உதவி பெறும் பல்தொழில்நுட்பப் பயிற்சிப் பள்ளிகள், சிறப்புப் பட்டயப் படிப்பு நிறுவனங்களில் பணியாற்றும் ஆசிரியர்கள் மற்றும் உடற்பயிற்சி இயக்குநர்கள் / நூலகர்கள்.


• ஊதியக் குழு அட்டவணையில் குறிக்கப்பட்ட சிறப்பு காலமுறை ஊதிய நிலைகளில் ஊதியம் பெறும் வருவாய்த் துறையிலுள்ள கிராம உதவியாளர்கள்.


• சத்துணவுத் திட்ட அமைப்பாளர்கள், குழந்தைகள் நல அமைப்பாளர்கள், அங்கன்வாடிப் பணியாளர்கள், சத்துணவு சமையலர்கள், சமையல் உதவியாளர்கள் மற்றும் ஊரக வளர்ச்சி மற்றும் ஊராட்சித் துறையில் பணிபுரியும் ஊராட்சிச் செயலாளர்கள் / எழுத்தர்கள்.

அதிகாரிகளுக்கு விடுக்கப்பட்டுள்ள அவசர உத்தரவு:

தேர்வுகள் மற்றும் பண்டிகைக் காலத்தினைக் கருத்தில் கொண்டு, ஜூலை 2026 முதல் அக்டோபர் 2026 வரையிலான நிலுவைத் தொகை பட்டியல்களை விரைவாகத் தயாரித்துச் சமர்ப்பிக்கவும், நிலுவைத் தொகையைத் தீபாவளிப் பண்டிகையைக் கருத்தில் கொண்டு வழங்க உரிய நடடிவக்கை எடுக்கவும் அனைத்துச் சம்பளம் பெற்று வழங்கும் அலுவலர்களுக்கும் (DDO), கருவூலக் கணக்குத் துறைக்கும் அறிவுறுத்தப்பட்டுள்ளது.

இதற்கான செலவினங்கள் அனைத்தும் கணக்குத் தலைப்பின் பெருந்தலைப்பு, துணைப் பெருந்தலைப்பு ஆகியவற்றின் கீழ் வரும் "303. அகவிலைப்படி" என்ற நுணுக்கத் தலைப்பில் பற்று வைக்கப்பட வேண்டும். இக்கடிதத்தின் நகல்கள் தமிழ்நாடு அரசுப் பணியாளர் தேர்வாணையம் (TNPSC), ஆசிரியர் தேர்வு வாரியம் (TRB), சென்னை உயர்நீதிமன்றப் பதிவாளர் மற்றும் அனைத்து மாவட்ட ஆட்சியர்களுக்கும் தகுந்த நடவடிக்கைக்காக முறைப்படி அனுப்பப்பட்டுள்ளது.

---

தமிழ்நாடு அரசின் இந்த புதிய 63% அகவிலைப்படி அரசாணை எண் 235-ன் அதிகாரப்பூர்வ PDF கோப்பு நகல், உங்களுடைய அடிப்படை ஊதியத்திற்கான புதிய அகவிலைப்படி கணக்கீட்டு மென்பொருள் (DA Calculator Tool) மற்றும் நிதித்துறையின் கூடுதல் முக்கிய அறிவிப்புகளை உடனுக்குடன் தெரிந்துகொள்ள எங்களது வலைதளப் பக்கத்தை எப்போதும் பின்தொடருங்கள்!

#Government_Order #GO_235 #DA_Hike #TN_Govt_Employees #Dearness_Allowance #Finance_Department #Tamilnadu_Government #Teachers_News நிதி படிகள் துறை அரசாணை 235, அகவிலைப்படி உயர்வு அரசாணை 2026, 63 சதவீத அகவிலைப்படி தமிழ்நாடு, ஜீலை முதல் அக்டோபர் நிலுவைத்தொகை, மு அ சித்திக் அரசு கூடுதல் தலைமைச் செயலாளர், TN Govt DA Hike GO 235.