பள்ளி மேலாண்மைக் குழு மறு கட்டமைப்பு தொடர்பாக பெற்றோர்களுக்கு 29.08.2026 (சனிக்கிழமை) அன்று விழிப்புணர்வுக் கூட்டம் நடத்த மாநிலத் திட்ட இயக்குநர் உத்தரவு!!

பள்ளி மேலாண்மைக் குழு மறு கட்டமைப்பு தொடர்பாக பெற்றோர்களுக்கு 29.08.2026 (சனிக்கிழமை) அன்று விழிப்புணர்வுக் கூட்டம் நடத்த மாநிலத் திட்ட இயக்குநர் உத்தரவு!!

தமிழக அரசுப் பள்ளிகளில் 2026-2028 ஆண்டுகளுக்கான பள்ளி மேலாண்மைக் குழு (SMC) மறுகட்டமைப்பு மற்றும் பெற்றோர்களுக்கான விழிப்புணர்வுக் கூட்ட வழிகாட்டுதல்களை மாநிலத் திட்ட இயக்ககம் வெளியிட்டுள்ளது. முழுமையான கால அட்டவணை மற்றும் வழிகாட்டுதல்களை இங்கே அறியலாம்.

தமிழக அரசுப் பள்ளிகளில் 2026-2028 ஆண்டுகளுக்கான பள்ளி மேலாண்மைக் குழு (SMC) மறுகட்டமைப்பு மற்றும் பெற்றோர்களுக்கான விழிப்புணர்வுக் கூட்டம் நடத்துவது தொடர்பான விரிவான வழிகாட்டு நெறிமுறைகளை மாநிலத் திட்ட இயக்ககம் வெளியிட்டுள்ளது. கடந்த 2024-ஆம் ஆண்டு அமைக்கபட்ட பள்ளி மேலாண்மைக் குழுவின் பதவிக் காலம் 2026 ஆகஸ்ட் மாதத்துடன் நிறைவடைவதைத் தொடர்ந்து, அனைத்து வகை அரசுப் பள்ளிகளிலும் புதிய உறுப்பினர்களைக் கொண்டு 2026-2028 ஆண்டுகளுக்கான SMC மறுகட்டமைப்பு பணிகள் அதிகாரப்பூர்வமாகத் தொடங்கப்பட்டுள்ளன.

பெற்றோர் விழிப்புணர்வுக் கூட்ட தேதி மற்றும் நேரம்:
அரசுப் பள்ளிகளில் பயிலும் மாணவர்களின் பெற்றோர்கள் அனைவரும் முழுமையாகப் பங்கேற்கும் வகையில், வருகிற 29.08.2026 (சனிக்கிழமை) காலை 10.00 மணி முதல் மதியம் 01.00 மணி வரை அனைத்து வகை அரசுப் பள்ளிகளிலும் பெற்றோர்களுக்கான விழிப்புணர்வுக் கூட்டம் கட்டாயம் நடத்தப்பட வேண்டும் என அறிவுறுத்தப்பட்டுள்ளது.

பள்ளி மேலாண்மைக் குழு மறுகட்டமைப்பு கால அட்டவணை:
* பெற்றோர் விழிப்புணர்வுக் கூட்டம்: 29.08.2026 (சனிக்கிழமை)
* முதல் 50% தொடக்கப் பள்ளிகள்: 12.09.2026 (சனிக்கிழமை)
* மீதமுள்ள 50% தொடக்கப் பள்ளிகள்: 19.09.2026 (சனிக்கிழமை)
* நடுநிலைப் பள்ளிகள்: 26.09.2026 (சனிக்கிழமை)
* உயர்நிலை மற்றும் மேல்நிலைப் பள்ளிகள்: 10.10.2026 (சனிக்கிழமை)

முக்கிய வழிகாட்டுதல்கள் மற்றும் நடைமுறைகள்:
1. பள்ளியின் தலைமையாசிரியரே இந்தக் கூட்டங்களை ஒருங்கிணைத்து முழுமையாக வழிநடத்த வேண்டும்.
2. தவிர்க்க முடியாத சூழல்களில் தலைமையாசிரியர் இல்லாத பட்சத்தில், பொறுப்புத் தலைமையாசிரியர் அல்லது பள்ளியின் மூத்த ஆசிரியர் கூட்டத்தை நடத்தலாம்.
3. நிரந்தரத் தலைமையாசிரியர் இல்லாத பள்ளிகளுக்கு வட்டார வளமைய மேற்பார்வையாளர் (Block Supervisor) தற்காலிகக் கூட்ட அழைப்பாளராகச் செயல்பட்டு கூட்டத்தை நடத்துவார்.
4. தற்காலிக ஆசிரியர்கள் மற்றும் இதர பணியாளர்கள் யாரும் கூட்டத்தை முன்னின்று நடத்த அனுமதி கிடையாது.
5. கூட்டத்தில் திரையிடத் தேவையான காணொளிகள் (Videos), போஸ்டர்கள் (Posters) மற்றும் பிற கருத்து வளங்களை அதிகாரப்பூர்வ இணைப்பான https://bit.ly/SMCReconstitution2026 மூலமாகப் பதிவிறக்கம் செய்து பயன்படுத்திக் கொள்ளலாம்.

மாவட்ட முதன்மைக் கல்வி அலுவலரின் (CEO) உரிய வழிகாட்டுதல்களைப் பெற்று, சார்ந்த மாவட்ட உதவித் திட்ட அலுவலர் இப்பணிகளை ஒருங்கிணைத்து வெற்றிகரமாகச் செயல்படுத்திட வேண்டும் எனத் தெரிவிக்கப்பட்டுள்ளது.

பதிவிறக்கம் செய்ய கீழே 👇👇👇கொடுக்கப்பட்டுள்ள Click Here To Download Link- ஐ கிளிக் செய்யவும்

CLICK HERE TO DOWNLOAD பள்ளி மேலாண்மைக் குழு மறு கட்டமைப்பு தொடர்பாக பெற்றோர்களுக்கு 29.08.2026 (சனிக்கிழமை) அன்று விழிப்புணர்வுக் கூட்டம் நடத்த மாநிலத் திட்ட இயக்குநர் உத்தரவு - PDF