தமிழக அரசின் சார்பில் மூவலூர் ராமாமிர்தம் அம்மையார் திருமண உதவித் திட்டம் செயல்படுத்தப்பட்டு வந்தது. சமீபத்தில், இத்திட்டம் மூவலூர் ராமாமிர்தம் உயர்கல்வி உதவி திட்டமாக மாற்றப்பட்டது. அதன்படி, 6 முதல் 12-ம் வகுப்பு வரை அரசுப் பள்ளிகளில் படித்து உயர்கல்விக்கு செல்லும் மாணவிகளுக்கு மாதம் ரூ.1,000 வழங்கப்படும் என்று அறிவிக்கப்பட்டது. இத்திட்டத்தை செயல்படுத்துவதற்கான வழிகாட்டுதல்களும் வெளியிடப்பட்டது. இதையடுத்து, திட்டத்தில் பயனாளிகளாக சேர, பல்வேறு கல்வி நிறுவனங்களில் இருந்து மாணவிகள் ஆன்லைனில் விண்ணப்பித்து வருகி்ன்றனர்.
இத்திட்டத்துக்காக ரூ.698 கோடி நிதி ஒதுக்கப்பட்டுள்ளது. பட்டம், பட்டயம், தொழிற்படிப்பு ஆகியவற்றில் இடைநிற்றல் இன்றி முடிக்கும் வரை மாதந்தோறும் மாணவிகளின் வங்கிக் கணக்கில் ரூ.1,000 நேரடியாக செலுத்தப்படும். இந்த மாணவிகள் ஏற்கெனவே பிற கல்வி உதவித்தொகை பெற்று வந்தாலும் இத்திட்டத்தில் கூடுதலாக உதவி பெறலாம் இத்திட்டத்தின் கீழ் 93 ஆயிரம் மாணவிகள் நடப்பு கல்வி ஆண்டில் பயன்பெற இருப்பதாக கூறப்படுகிறது. இந்நிலையில், மாணவிகளுக்கு நிதியுதவி வழங்கும் திட்டத்துக்கு ‘புதுமைப் பெண்’ திட்டம் என பெயரிடப்பட்டுள்ளது. இந்த திட்டத்தை ஆசிரியர் தினமான செப்.5-ம் தேதி வடசென்னையில் உள்ள பாரதி மகளிர் கல்லூரியில் முதல்வர் ஸ்டாலின் தொடங்கி வைக்கிறார்.
இந்த விழாவில் டெல்லி முதல்வர் அரவிந்த் கேஜ்ரிவால் சிறப்பு விருந்தினராக பங்கேற்கிறார். அப்போது டெல்லியில் உள்ளதை போல, தமிழகத்தில் அமைக்கப்பட்டுள்ள 15 மாதிரிப் பள்ளிகளை அவர் திறந்து வைக்கிறார்
உயர்கல்வி படிக்கும் மாணவியருக்கு, மாதம் 1,000 ரூபாய் உதவித்தொகை வழங்கும் திட்டம், வரும் 5ம் தேதி துவங்குகிறது.
தமிழகத்தில் ஏழை பெண்களின் திருமணத்துக்கு நிதி உதவி செய்யும், மூவலுார் ராமாமிர்தம் அம்மையார் திட்டம், அ.தி.மு.க., ஆட்சியில் தாலிக்கு தங்கம் திட்டமாக மாற்றப்பட்டது. பின், தி.மு.க., ஆட்சியில் தாலிக்கு தங்கம் வழங்குவது கைவிடப்பட்டு, உயர்கல்வி படிக்கும் மாணவியருக்கு, மாதம் 1,000 ரூபாய் கல்வி உதவித் தொகை வழங்கும் திட்டமாக அறிவிக்கப்பட்டுள்ளது.
இதற்காக கல்லுாரிகள், பல்கலைகளில் படிக்கும் மாணவியரின் விபரங்கள், ஆன்லைனில் பதிவு செய்யப்பட்டன. மூன்று லட்சத்துக்கும் மேற்பட்டவர்கள் உதவித்தொகை கோரி பதிவு செய்துள்ளனர். அவர்களில் முதற்கட்டமாக, 90 ஆயிரம் பேர் கல்வி உதவித்தொகை வழங்க தேர்வு செய்யப்பட்டுள்ளனர். இதன்படி, கல்வி உதவித்தொகை வழங்கும் திட்டம் வரும், 5ம் தேதி துவங்குகிறது.
ليست هناك تعليقات:
إرسال تعليق
கல்விச்செய்தி நண்பர்களே.. வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.