14 வயது பள்ளி மாணவிகளுக்கு HPV தடுப்பூசி! பள்ளிக் கல்வித்துறை புதிய உத்தரவு! & வழிகாட்டுதல்கள் வெளியீடு!

14 வயது பள்ளி மாணவிகளுக்கு HPV தடுப்பூசி! பள்ளிக் கல்வித்துறை அதிரடி உத்தரவு & வழிகாட்டுதல்கள் வெளியீடு!

14 வயது பள்ளி மாணவிகளுக்கு HPV தடுப்பூசி! பள்ளிக் கல்வித்துறை புதிய உத்தரவு! & வழிகாட்டுதல்கள் வெளியீடு!

தமிழ்நாட்டில் அரசு மற்றும் அரசு உதவிபெறும் பள்ளிகளில் பயிலும் 14 வயது நிறைவடைந்த மாணவிகளுக்கு HPV தடுப்பூசி செலுத்த பள்ளிக் கல்வித்துறை உத்தரவு! சுகாதாரத் துறையுடன் இணைந்து விழிப்புணர்வு மற்றும் தடுப்பூசி முகாம்கள் அமைப்பு. முழு விவரங்கள் உள்ளே!

தமிழ்நாட்டில் உள்ள அரசு மற்றும் அரசு உதவிபெறும் பள்ளிகளில் பயிலும் 14 வயது எய்திய மாணவிகளுக்கு கர்பப்பை வாய் புற்றுநோயிலிருந்து (Cervical Cancer) பாதுகாப்பளிக்கும் HPV தடுப்பூசி (Human Papillomavirus Vaccine) செலுத்துவது தொடர்பாக பள்ளிக் கல்வி இயக்ககம் முக்கிய வழிகாட்டுதல்களை வெளியிட்டுள்ளது.

பொதுச்சுகாதாரம் மற்றும் நோய்த்தடுப்பு மருந்துத் துறையின் கோரிக்கையை ஏற்று, பள்ளிக் கல்வி இயக்குநர் திருமதி N.லதா அவர்கள் அனைத்து மாவட்ட முதன்மை கல்வி அலுவலர்களுக்கும் (CEOs) இதற்கான கண்டிப்பான உத்தரவுகளைப் பிறப்பித்துள்ளார்.

HPV தடுப்பூசியின் முக்கியத்துவம்:

பெண்களைப் பாதிக்கும் கர்பப்பை வாய் புற்றுநோயைத் தடுப்பதில் 14 வயதில் செலுத்தப்படும் HPV தடுப்பூசி மிக முக்கியப் பங்கு வகிக்கிறது. மாணவிகள் 15 வயதை அடைவதற்கு முன்பாக இத்தடுப்பூசியைச் செலுத்தி முடிக்க வேண்டும் என்பதால், பள்ளிகளில் உரிய காலத்தில் விழிப்புணர்வு ஏற்படுத்தி தடுப்பூசி முகாம்களை ஒருங்கிணைக்க உத்தரவிடப்பட்டுள்ளது.

பள்ளிகளுக்கு பிறப்பிக்கப்பட்டுள்ள முக்கிய வழிகாட்டுதல்கள்:

1. தகுதியான மாணவிகளைப் பட்டியலிடுதல்:

அனைத்து அரசு மற்றும் அரசு உதவிபெறும் பள்ளிகளிலும் உள்ள 14 வயது எய்திய தகுதியான மாணவிகளின் பட்டியலை உள்ளூர் ஆரம்ப சுகாதார நிலைய (PHC) மருத்துவக் குழுவுடன் இணைந்து உடனடியாகத் தயார் செய்து புதுப்பிக்க வேண்டும்.

2. விழிப்புணர்வு மற்றும் வழிகாட்டுதல்:

பள்ளித் தலைமை ஆசிரியர்கள், ஆசிரியர்கள், பள்ளி மேலாண்மைக் குழு (SMC) மற்றும் பெற்றோர் ஆசிரியர் கழகம் (PTA) மூலமாக மாணவிகளுக்கும் அவர்தம் பெற்றோர்களுக்கும் HPV தடுப்பூசியின் நன்மைகள், அதன் பாதுகாப்பு அம்சங்கள் மற்றும் சந்தேகங்களைப் போக்கும் வகையில் விழிப்புணர்வு அளிக்க வேண்டும்.

3. தடுப்பூசி முகாம் திட்டமிடல்:

ஆரம்ப சுகாதார நிலைய மருத்துவக் குழுவினர் அமைக்கும் கால அட்டவணையை முன்பே பள்ளிகளுக்குத் தெரிவிக்க வேண்டும். ஒரு நாளைக்கு ஒரு மையத்தில் சராசரியாக 50 முதல் 100 மாணவிகளுக்குத் தடுப்பூசி செலுத்த இலக்கு நிர்ணயம் செய்யப்பட்டுள்ளது.

4. பாதுகாப்பான அழைத்துச் செல்லல் மற்றும் வருகைப்பதிவு:

பெற்றோரின் சம்மதத்துடன் தகுதியான மாணவிகளை அருகிலுள்ள ஆரம்ப சுகாதார நிலையங்களுக்கு பாதுகாப்பாக அழைத்துச் சென்று, தடுப்பூசி செலுத்தப்பட்ட பின் மீண்டும் பள்ளிக்கு அழைத்து வருவதை ஆசிரியர்கள் மற்றும் சுகாதாரக் குழுவினர் உறுதி செய்ய வேண்டும்.

5. முதன்மை கல்வி அலுவலர்களின் (CEO) தீவிர கண்காணிப்பு:

அனைத்து மாவட்ட முதன்மை கல்வி அலுவலர்களும் இந்த நடவடிக்கைகளைத் தீவிரமாகத் தொடர்ந்து கண்காணித்து, தகுதியான அனைத்து மாணவிகளுக்கும் 15 வயது நிறைடைவதற்கு முன் தடுப்பூசி செலுத்தப்படுவதை உறுதி செய்ய வேண்டும். மேலும், ஒன்றியம் வாரியான ஒருங்கிணைந்த அறிக்கையைத் தலைமை அலுவலகத்திற்கு அனுப்ப உத்தரவிடப்பட்டுள்ளது.

தமிழக அரசு மாணவிகளின் ஆரோக்கியத்தைப் பாதுகாக்கும் நோக்கில் செயல்படுத்தும் இத்திட்டத்திற்கு அனைத்துப் பள்ளிகளும் முழு ஒத்துழைப்பு நல்க வேண்டும் எனத் தெரிவிக்கப்பட்டுள்ளது.

பள்ளிக் கல்வித் துறை மற்றும் அரசு நலத்திட்டங்கள் குறித்த உடனுக்குடனான தகவல்களைப் பெற நமது வலைப்பதிவைத் தொடர்ந்து பின்பற்றுங்கள்!

HPV Vaccination Tamil Nadu Schools, School Education Department Circular 2026, Cervical Cancer Awareness Schools TN, CEO Instructions HPV Vaccination, Director of School Education Proceedings, 14 Year Old Girls HPV Vaccine TN, Kalviseithi School News Tamil