TN Grama Sabha Meeting Oct 2, 2026: அக்டோபர் 2 காந்தி ஜெயந்தி: தமிழ்நாடு முழுவதும் கிராம சபைக் கூட்டம்! Citizen Participation App அறிமுகம்! முக்கிய வழிகாட்டுதல்கள் வெளியீடு!

அக்டோபர் 2 காந்தி ஜெயந்தி: தமிழ்நாடு முழுவதும் கிராம சபைக் கூட்டம்! ஊரக வளர்ச்சித் துறை அதிரடி உத்தரவு!

TN Grama Sabha Meeting Oct 2, 2026: அக்டோபர் 2 காந்தி ஜெயந்தி: தமிழ்நாடு முழுவதும் கிராம சபைக் கூட்டம்! Citizen Participation App அறிமுகம்! முக்கிய வழிகாட்டுதல்கள் வெளியீடு!

02.10.2026 அன்று காந்தி ஜெயந்தி தின கிராம சபைக் கூட்டம் நடத்துதல் & கிராம சபைக் கூட்டப்பொருள்கள் - Proceedings

வரும் அக்டோபர் 2 காந்தி ஜெயந்தி அன்று தமிழகத்தில் உள்ள அனைத்து கிராம ஊராட்சிகளிலும் கிராம சபைக் கூட்டம் நடத்த ஊரக வளர்ச்சி இயக்ககம் உத்தரவு! குடிமக்கள் பங்கேற்பு செயலி அறிமுகம் மற்றும் விவாதிக்கப்பட வேண்டிய 6 முக்கிய பொருட்கள் விவரம்!

தமிழ்நாட்டில் உள்ள அனைத்து கிராம ஊராட்சிகளிலும் வரும் அக்டோபர் 02, 2026 (காந்தி ஜெயந்தி) அன்று காலை 11.00 மணியளவில் கிராம சபைக் கூட்டம் சுழற்சி முறையைப் பின்பற்றி நடத்தப்பட வேண்டும் என ஊரக வளர்ச்சி மற்றும் ஊராட்சி இயக்கக ஆணையர் திருமதி வே.அமுதவல்லி, இ.ஆ.ப., அவர்கள் உத்தரவிட்டுள்ளார்.

இது தொடர்பாக அனைத்து மாவட்ட ஆட்சித் தலைவர்களுக்கும் விரிவான வழிகாட்டுதல்கள் மற்றும் கூட்டப் பொருட்கள் (Agenda) அடங்கிய சுற்றறிக்கை அனுப்பப்பட்டுள்ளது.

கூட்டம் நடத்தும் முறை & புதிய செயலி அறிமுகம்:

1. கூட்டம் நடைபெறும் நேரம்: அக்டோபர் 2 அன்று காலை 11.00 மணிக்கு ஊராட்சியின் எல்லைக்குட்பட்ட வார்டுகளில் சுழற்சி முறையில் கூட்டம் நடைபெற வேண்டும்.

2. மதச்சார்பற்ற இடம்: கிராம சபைக் கூட்டங்கள் எந்தவொரு மதச்சார்புள்ள வளாகத்திலும் நடத்தப்படக் கூடாது. கூட்ட விவரங்களை முன்கூட்டியே மக்களுக்குத் தெரியப்படுத்த வேண்டும்.

3. Citizen Participation App (குடிமக்கள் பங்கேற்பு செயலி): பொதுமக்கள் தங்களது ஊராட்சி சார்ந்த கிராம சபை கூட்டப் பொருட்கள் மற்றும் நிறைவேற்றப்பட்ட தீர்மானங்களைப் பார்க்கும் வகையிலும், கருத்துகளைப் பகிரும் வகையிலும் புதிய 'Citizen Participation App' அறிமுகப்படுத்தப்படவுள்ளது. இச்செயலியை TNRD இணையதளத்தில் பதிவிறக்கம் செய்யலாம்.

4. தீர்மானங்கள் பதிவேற்றம்: கூட்டம் முடிந்த இரு நாட்களுக்குள் அங்கீகரிக்கப்பட்ட தீர்மானங்களை ஊராட்சிச் செயலாளர் TNRD இணையதளத்தில் கட்டாயம் பதிவேற்றம் செய்ய வேண்டும்.

கிராம சபைக் கூட்டத்தில் விவாதிக்கப்பட வேண்டிய 6 முக்கியப் பொருட்கள்:

பொருள் 1: ஊராட்சி நிர்வாகம் மற்றும் நிதி செலவினம்

01.04.2026 முதல் 30.09.2026 வரையிலான காலக்கட்டத்தில் கிராம ஊராட்சியின் பொது நிதியிலிருந்து மேற்கொள்ளப்பட்ட செலவின அறிக்கை (படிவம் 30) மற்றும் 2025-26 ஆம் ஆண்டில் எடுக்கப்பட்ட பணிகளின் விவரங்களை வாசித்து ஒப்புதல் பெறுதல்.

பொருள் 2: தூய்மையான குடிநீர் விநியோகம்

மேல்நிலை மற்றும் தரைமட்ட நீர் தேக்கத் தொட்டிகளை மாதம் இருமுறை (மாதம் 5 மற்றும் 20-ஆம் தேதிகளில்) சுத்தம் செய்வதையும், சரியான அளவில் குளோரின் கலந்து குடிநீர் விநியோகிப்பதையும் உறுதி செய்தல்.

பொருள் 3: வளர்ச்சியடைந்த பாரதம் - கிராம வேலை உறுதித் திட்டம் (VB-GRAM G)

2026-27 ஆம் ஆண்டிற்கான தொழிலாளர் வரவு-செலவு திட்டத்தின் முன்னேற்றத்தை விவாதித்தல் மற்றும் நீர் பாதுகாப்பு, ஊரக உள்கட்டமைப்பு, வாழ்வாதார மேம்பாடு, பருவநிலை மாற்றம் சார்ந்த புதிய பணிகளைத் தேர்வு செய்து ஒப்புதல் பெறுதல்.

பொருள் 4: சிறுபாசனக் குளங்கள் புதுப்பித்தல்

ஊராட்சியில் உள்ள சிறுபாசனக் குளங்கள் மற்றும் ஏரிகள் புதுப்பித்தல் பணிகளின் முன்னேற்றம் குறித்து விவாதித்தல்.

பொருள் 5: ஜல் ஜீவன் இயக்கம் (Jal Jeevan Mission)

100% குடிநீர் இணைப்புகள் வழங்கப்பட்ட ஊராட்சிகளை 'வீடுதோறும் குடிநீர் வழங்கப்பட்ட ஊராட்சி' என அறிவித்தல், மாதம் ரூ.30 குடிநீர்க் கட்டணம் வசூலிப்பதை உறுதி செய்தல், சுய உதவிக்குழு பெண்கள் மூலம் 15 நாட்களுக்கு ஒருமுறை குடிநீர் தரப் பரிசோதனை செய்தல் மற்றும் பயனாளி குடும்பத் தலைவரின் ஆதாரை IMIS போர்ட்டலில் பதிவேற்றுதல்.

பொருள் 6: தூய்மை பாரத இயக்கம் & மனிதக் கழிவுகளை அகற்றுதல் தடை

திறந்தவெளியில் மலம் கழித்தலற்ற நிலையைத் தக்கவைத்து, 'Swachh Sujal Gaon Gram Panchayat' என அறிவித்து தீர்மானம் நிறைவேற்றுதல். மேலும், மனிதக் கழிவுகளை மனிதனே அகற்றும் முறையை முற்றிலும் தடை செய்வதும், மீறுவோர் மீது கடுமையான சட்ட நடவடிக்கை எடுப்பதும் குறித்து தீர்மானித்தல்.

ஊராட்சி நிர்வாகம் மற்றும் அரசு நலத்திட்டங்கள் குறித்த உடனுக்குடனான செய்திப் புதுப்பிப்புகளைப் பெற நமது வலைப்பதிவைத் தொடர்ந்து பின்பற்றுங்கள்!

Grama Sabha Meeting October 2 2026, TNRD Grama Sabha Agenda Tamil Nadu, Gandhi Jayanti Grama Sabha Guidelines, Citizen Participation App TNRD, Jal Jeevan Mission Grama Sabha, Swachh Bharat Mission Model Village TN, Tamil Nadu Panchayat News