தொடக்கக் கல்வி - தொடக்கக் கல்வி இயக்ககம் - அரசு / ஊராட்சி / நகராட்சி/ மாநகராட்சி மற்றும் அரசு உதவிபெறும் தொடக்க/நடுநிலைப் பள்ளிகளில் தேர்ந்தெடுக்கப்பட்ட 2023-24-ஆம் ஆண்டிற்கான சிறந்த பள்ளிகளுக்கு கேடயங்கள் வழங்குதல் - தொடர்பாக.
114 சிறந்த பள்ளிகளுக்கு கேடயம் வழங்கும் விழா - பள்ளிகளின் பட்டியல் கல்வி மாவட்டம் வாரியாக வெளியீடு.
மாவட்டத்திற்கு 3 பள்ளிகள் வீதம் 38 மாவட்டங்களில் 114 சிறந்த பள்ளிகளுக்கு 14.11.2024 அன்று கேடயம் வழங்கும் விழா - தொடக்கக்கல்வி இயக்குநரின் செயல்முறைகள், நாள் : 08-11-2024 பொருள் தொடக்கக் கல்வி - தொடக்கக் கல்வி இயக்ககம் அரசு / ஊராட்சி / நகராட்சி/ மாநகராட்சி மற்றும் அரசு உதவிபெறும் தொடக்க/நடுநிலைப் பள்ளிகளில் தேர்ந்தெடுக்கப்பட்ட 2023-24- ஆம் ஆண்டிற்கான சிறந்த பள்ளிகளுக்கு கேடயங்கள் வழங்குதல் - தொடர்பாக.
பார்வை: 1 அரசாணை (நிலை) எண். 190, பள்ளிக் கல்வித் துறை, நாள்.04.06.1998.
2 அரசாணை (நிலை) எண்.137, பள்ளிக் கல்வித் துறை, நாள். 20.05.1999.
3 அரசாணை (நிலை) எண்.73 பள்ளிக் கல்வித் (எஸ்.2) துறை, நாள். 20.03.2008.
4 தமிழ்நாடு தொடக்கக் கல்வி இயக்குநரின் செயல்முறைகள் ந.க.எண். 002815 / சி3 / 2024, நாள்.27.02.2024.
5 அனைத்து மாவட்ட முதன்மைக் கல்வி அலுவலர்களிடமிருந்து பெறப்பட்ட பள்ளிகளின் பெயர்ப்பட்டியல்.
6 தமிழ்நாடு தொடக்கக் கல்வி இயக்குநரின் கடிதம் ந.க.எண். 002815 / A3 / நாள்.12.08.2024 மற்றும் 27.08.2024. 2024,
பார்வை 4-ல் காணும் இயக்குநரின் செயல்முறைகளில் தெரிவிக்கப்பட்ட அறிவுரைகளின்படி அனைத்து மாவட்ட சிறந்த பள்ளிகளுக்கான தேர்வுக் குழு அலுவலர்களால் தேர்ந்தெடுக்கப்பட்ட சிறந்த பள்ளிகளுக்கான பெயர்ப்பட்டியல் பெறப்பட்டுள்ளது.
அதன்படி சிறந்த பள்ளிகளாக தேர்ந்தெடுக்கப்பட்ட பள்ளியின் தலைமையாசிரியர், அப்பள்ளியில் பணிபுரியும் ஆசிரியர் மற்றும் சார்ந்த வட்டாரக் கல்வி அலுவலர் ஆகிய மூவரும் 14.11.2024 அன்று சென்னை-04, சாந்தோம், சாந்தோம் மேல்நிலைப் பள்ளிக்கு காலை 8.00 மணியளவில் வருகை புரிய வேண்டும் எனவும், மாண்புமிகு பள்ளிக் கல்வி துறை அமைச்சர் அவர்கள் சிறந்த பள்ளிகளுக்கான கேடயம் வழங்க இருப்பதால் தவறாது கலந்து கொண்டு பெற்றுக் கொள்ளுமாறு தெரிவிக்கப்படுகிறது.
மேலும், சார்ந்த பள்ளிகளுக்கு கேடயங்கள் வழங்கியமைக்கான 'ஒப்புதல்' சம்பந்தப்பட்ட பள்ளித் தலைமை ஆசிரியரிடமிருந்து நிலையான பதிவேட்டில் 'ஒப்பம்' பெற்று வைக்கப்படவேண்டும் எனவும், மாநிலக்கணக்காயர் / துறைத் தணிக்கை அலுவலர்களால் ஆய்வு மேற்கொள்ளும் போது இப்பதிவேடு முன்னிலைப்படுத்தப்பட வேண்டும் என் அனைத்து மாவட்டக் கல்வி அலுவலருக்கு (தொடக்கக் கல்வி) அறிவுறுத்தப்படுகிறது.
இணைப்பு: தேர்ந்தெடுக்கப்பட்ட பள்ளிகளின் பெயர்ப்பட்டியல் CLICK HERE TO DOWNLOAD Kedeyam 2023-24 Award function 14.11.24 & Schools List - PDF
No comments:
Post a Comment
கல்விச்செய்தி நண்பர்களே.. வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.