அரசு ஊழியர்களுக்கு 8வது ஊதியக் குழுவால் ரூ.35,400 முதல் ரூ.1,52,798 வரை சம்பளம் உயர வாய்ப்பு! கணக்கீடு காட்டும் உண்மை!

ரூ.35,400 முதல் ரூ.1,52,798 வரை! 8வது சம்பள கமிஷனால் மத்திய அரசு ஊழியர்களுக்கு வரப்போகும் மிகப்பெரிய மாற்றம்!

அரசு ஊழியர்களுக்கு 8வது ஊதியக் குழுவால் ரூ.35,400 முதல் ரூ.1,52,798 வரை சம்பளம் உயர வாய்ப்பு! கணக்கீடு காட்டும் உண்மை!

8-வது ஊதியக் குழுவின் பரிந்துரைகள் மற்றும் விவாதங்கள் நாடு முழுவதும் தீவிரமடைந்துள்ளன. குறிப்பாக சென்னையில் நடந்த கூட்டத்தில் ஊழியர் சங்கங்கள் வைத்த கோரிக்கைகள் மற்றும் DA Merger மூலம் சம்பளம் ரூ.1,52,798 வரை உயருமா என்ற முழு விபரம் இதோ.

மத்திய அரசு ஊழியர்கள் மற்றும் ஓய்வூதியதாரர்களின் புதிய ஊதிய விகிதங்களை மாற்றி அமைப்பதற்காக உருவாக்கப்பட்டுள்ள 8-வது ஊதியக் குழுவின் (8th Pay Commission) கூட்டங்கள் மற்றும் ஆலோசனைகள் நாடு முழுவதும் தற்போது தீவிரமாக நடைபெற்று வருகின்றன. இந்த புதிய ஊதியக் குழுவின் மூலம் வெறும் சம்பள உயர்வு மட்டுமின்றி, ஒட்டுமொத்த ஊதிய முறையிலேயே ஒரு பெரிய புரட்சிகரமான மாற்றம் வரப்போவதாகத் தகவல்கள் வெளியாகியுள்ளன.

சென்னையிலும் புதுச்சேரியிலும் நடந்த முக்கியக் கூட்டங்கள்:

மத்திய அரசு ஊழியர் சங்கங்கள் மற்றும் தொழிலாளர் அமைப்புகளின் கருத்துக்களை நேரடியாகக் கேட்டறியும் நோக்கில், இந்த 8-வது ஊதியக் குழுவின் கமிஷன் கடந்த செப்டம்பர் 7 மற்றும் 8 ஆகிய தேதிகளில் தமிழ்நாட்டின் தலைநகரான சென்னையிலும், செப்டம்பர் 9-ஆம் தேதி புதுச்சேரியிலும் தங்களின் மிக முக்கியமான ஆலோசனைக் கூட்டங்களை நடத்தின. இக்கூட்டங்களின் போது, தகுதிவாய்ந்த பல்வேறு அரசு ஊழியர் சங்கங்களும், ஓய்வூதியதாரர் அமைப்புகளும் தங்களின் நீண்டகாலக் கோரிக்கைகளை ஆணையத்தின் முன் வலுவாக முன்வைத்தனர்.

குறிப்பாக, சென்னை ஜி.பி.ஓ. (GPO) ஓய்வூதியதாரர்கள் சங்கம் சார்பில் ஐந்து முக்கியக் கோரிக்கைகள் முன்வைக்கப்பட்டன. அதில், தற்போதைய புதிய எஸ்பிஎஸ் திட்டம் ஊழியர்களின் எதிர்காலத்திற்குப் பாதுகாப்பை அளிக்கவில்லை என்பதால், மீண்டும் பழைய ஓய்வூதியத் திட்டத்தை (Old Pension Scheme - OPS) அமல்படுத்த வேண்டும் என்றும், அரசுத் துறையில் 'நிரந்தர ஊதிய மறுஆய்வு நடைமுறை'யை உருவாக்கி, குறைந்தபட்ச அடிப்படை ஊதியத்தை ஒரே தவணையில் ரூ.68,000-ஆக உயர்த்த வேண்டும் என்றும் கோரிக்கை விடுத்துள்ளனர்.

பதவி உயர்வு மற்றும் நிதிச் சலுகைகளில் புதிய மாற்றங்கள்:

மத்திய அரசு ஊழியர்களுக்கான பதவி உயர்வு நடைமுறைகளை எளிதாக்கும் வகையில், MACP (Modified Assured Career Progression) திட்டத்தில் புதிய முன்மொழிவுகள் கொண்டு வரப்பட உள்ளன. இதன்படி, ஒரே பதவியில் பதவி உயர்வு இன்றி 10, 20 மற்றும் 30 ஆண்டுகள் பணிபுரிந்த ஊழியர்களுக்கு, அதிகபட்சம் மூன்று தவணைகளில் பதவி உயர்விற்கு இணையான நிதிச் சலுகை வழங்கப்படும்.

மறுபுறம், துறைசார் தேர்வுகள் (LDCE) அல்லது பணி மூப்பு அடிப்படையில் பதவி உயர்வு பெற்றதால் இந்த MACP சலுகையை இழந்த ஊழியர்களுக்கு, MLCB (MACP சலுகை இழப்பீட்டுத் திட்டம்) மூலம் ஒவ்வொரு 10 ஆண்டு பணிக்கும் ஒரு கூடுதல் ஊதிய உயர்விற்கு இணையான நிதிச் சலுகை இழப்பீடாக வழங்கப்படலாம் என்று எதிர்பார்க்கப்படுகிறது.

சம்பளத்தை இரட்டிப்பாக்கும் 'DA Merger' ஐடியா - வைரலாகும் நெட்டிசனின் கணக்கீடு!

இது ஒருபுறமிருக்க, 8-வது ஊதியக் குழுவின் பரிந்துரைகள் குறித்து சமூக வலைதளங்களில் நெட்டிசன் ஒருவர் வெளியிட்டுள்ள எளிய சம்பளக் கணக்கீடு மத்திய அரசு ஊழியர்களிடையே பெரும் விவாதத்தையும் ஆச்சரியத்தையும் ஏற்படுத்தியுள்ளது. வழக்கமாக ஊழியர்கள் ஒரு நியாயமான ஊதிய உயர்வைப் பெற 10 ஆண்டுகள் வரை காத்திருக்க வேண்டியுள்ளது. ஆனால், சங்கங்கள் முன்வைக்கும் DA Merger (அகவிலைப்படி இணைப்பு) முறை இந்த சிஸ்டத்தையே மாற்றியமைக்கும் என்று அவர் கூறியுள்ளார்.

ஒவ்வொரு முறையும் அகவிலைப்படி (DA) அளவு 25%-ஐத் தாண்டும்போது, அதை அடிப்படை ஊதியத்துடன் (Basic Pay) இணைக்க வேண்டும் என்பதே அந்த கோரிக்கையாகும். இந்த மெர்ஜர் பேட்டர்ன் படி கணக்கிட்டால் ஏற்படும் மாற்றங்கள் இதோ:

• 7th Pay Commission படி அடிப்படை ஊதியம்: Level 6 ஊழியர் ஒருவருக்கு தற்போதைய அடிப்படை ஊதியம் ரூ. 35,400 ஆக உள்ளது.
• 8th Pay Commission-ல் புதிய அடிப்படை ஊதியம்: இவருக்கு 2.1 பிட்மென்ட் ஃபேக்டர் (Fitment Factor) பயன்படுத்தப்பட்டால், ஆரம்ப அடிப்படை ஊதியம் ரூ. 74,340 ஆக மாறும்.
• 2033-ல் கிடைக்கப்போகும் மொத்த சம்பளம்: இதனுடன் 7% வருடாந்திர ஊதிய உயர்வு (Increment) மற்றும் DA ஆகியவற்றைச் சேர்த்து கணக்கு போட்டால், வரும் ஜனவரி 2033 வாக்கில் அவர்களின் மொத்த சம்பளம் ரூ. 1,52,798 ஆக இருக்கும்!

அதாவது, 2026-ல் கிடைக்கப்போகும் ரூ. 74,340 என்ற தொகையை விட, 2033-ல் வெறும் 7 ஆண்டுகளில் அடிப்படை ஊதியம் இரண்டு மடங்கு அதிகமாக உயரும் சூழலை இந்த மெர்ஜர் பேட்டர்ன் உருவாக்கித் தரும். இது ஊழியர்களின் ஓய்வூதியப் பலன்களைக் (Retirement Benefits) கணக்கிடும் போதும் மிகப்பெரிய சாதகமான தாக்கத்தை ஏற்படுத்தும் என்று கூறப்படுகிறது. இது தற்போதைக்கு ஒரு முன்மொழிவு (Proposal) என்றாலும், பணவீக்கத்தை சமாளிக்க இது மிக அவசியம் என்று ஊழியர்கள் நம்புகின்றனர்.