10, 12-ம் வகுப்பு தேர்வு: சென்னையில் பிப்.16-ல் ஆய்வுக் கூட்டம்
தமிழகத்தில் 10, பிளஸ் 2 வகுப்புகளுக்கான பொதுத் தேர்வுகள் வரும் மார்ச் 2-ல் தொடங்கி ஏப்.6-ம் தேதி வரை நடைபெற உள்ளன. இதற்கான ஏற்பாடுகளை தேர்வுத் துறை மேற்கொண்டுள்ளது.
பிளஸ் 2 வகுப்பு செய்முறைத் தேர்வுகள் இன்று முடிவடைகின்றன. தொடர்ந்து, 10-ம் வகுப்புக்கு 23 முதல் 28-ம் தேதி வரை செய்முறைத்தேர்வுகள் நடக்கின்றன.
இந்தச் சூழலில், பொதுத் தேர்வுக்கான ஏற்பாடுகள் குறித்த ஆய்வுக் கூட்டம் அமைச்சர் அன்பில் மகேஸ் தலைமையில் சென்னையில் 16-ம் தேதி நடைபெற உள்ளது.
துறைச் செயலர் சந்திரமோகன், இயக்குநர் கண்ணப்பன் உள்ளிட்ட அதிகாரிகள், அனைத்து முதன்மை மற்றும் மாவட்டக் கல்வி அலுவலர்கள் பங்கேற்கின்றனர்.
பொதுத் தேர்வு விடைத்தாள், வினாத்தாள் கட்டுக்காப்பு மையங்கள் மற்றும் தேர்வு மையங்களில் அடிப்படை வசதிகள், பாதுகாப்பு, கண்காணிப்பு அலுவலர்கள் நியமனம் உள்ளிட்ட அம்சங்கள் குறித்து இதில் ஆலோசிக்கப்பட உள்ளது.
DSE & DGE joint processes regarding holding a meeting of all CEOs & DEOs regarding government public examinations! -- அரசுப் பொதுத் தேர்வுகள் தொடர்பாக அனைத்து CEOs & DEOs கூட்டம் நடைபெறுதல் தொடர்பாக DSE & DGE இணைச் செயல்முறைகள்!
மார்ச்/ ஏப்ரல் 2026-ல் நடைபெறவுள்ள மேல்நிலை / இடைநிலை பொதுத் தேர்வுகள் தொடர்பாக மாண்புமிகு பள்ளிக் கல்வித் துறை அவர்களின் தலைமையில் அனைத்து இணை இயக்குநர்கள் / துணை இயக்குநர்கள் / அனைத்து மாவட்ட முதன்மைக் கல்வி அலுவலர்கள்: மாவட்டக் கல்வி அலுவலர்கள் (தொடக்கக் கல்வி இடைநிலை தனியார் பள்ளிகள்) மற்றும் அரசுத் தேர்வுகள் உதவி இயக்குநர்களுக்கான ஆய்வு அலுவலர் கூட்டம் மற்றும் முதன்மைக் கல்வி அலுவலர்களுக்கான கல்விசார் ஆய்வுக் கூட்டம் ஆகியவை கீழ்க்கண்டவாறு நடைபெறும் என்ற விவரம் தெரிவிக்கப்படுகிறது.
👇👇👇
CLICK HERE TO DOWNLOAD DSE - ALL CEOs DEOs Meeting Proceedings PDF
மேற்கண்ட ஆய்வுக் கூட்டத்தில் குறிப்பிடப்பட்டுள்ள அனைத்து அலுவலர்களும் தவறாது கலந்து கொள்ளுமாறு கேட்டுக் கொள்ளப்படுகிறார்கள். மேலும், இணைப்பில் காணும் கூட்டப்பொருள் குறித்து தயார் நிலையில் வருமாறு அறிவுறுத்தப்படுகிறது. பெறுநர்:
1. அனைத்து இணை இயக்குநர்கள் (சார்ந்த அலுவலகம் வழியாக)
2. அனைத்து மாவட்ட முதன்மைக் கல்வி அலுவலர்கள்.
அனைத்து மாவட்டக் கல்வி அலுவலர்கள் (இடைநிலை, தனியார் பள்ளிகள் மற்றும் தொடக்கக் கல்வி).
4. அனைத்து அரசுத் தேர்வுகள் உதவி இயக்குநர்கள்.
நகல்: 1. அரசு கூடுதல் தலைமைச் செயலாளர், பள்ளிக் கல்வித் துறை,
தலைமைச் செயலகம், சென்னை-09- (பணிவுடன் அனுப்பப்படுகிறது).
2. மாநில திட்ட இயக்குநர், ஒருங்கிணைந்த பள்ளிக் கல்வி,
மாநில திட்ட இயக்ககம், சென்னை-6.
3. உறுப்பினர் செயலர், அரசு மாதிரிப் பள்ளிகள், சென்னை-6.
4, தலைவர், ஆசிரியர் தேர்வு வாரியம், சென்னை-6.
5.செயலாளர், தமிழ்நாடு பாடநூல் மற்றும் கல்வியியல் பணிகள் கழகம், சென்னை-6.
6. இயக்குநர், தனியார் பள்ளிகள் இயக்ககம், சென்னை-6.
7. இயக்குநர், தொடக்கக்கல்வி இயக்ககம், சென்னை-6.
8. இயக்குநர், மாநிலக் கல்வியியல் ஆராய்ச்சி மற்றும் பயிற்சி நிறுவனம், சென்னை-6.
9, இயக்குநர், பள்ளிசாரா மற்றும் வயது வந்தோர் கல்வி இயக்ககம், சென்னை-6. ஆய்வு அலுவலர் கூட்டம்-நாள்: 16.02.2026 - நேரம்: 9.00 AM
கூட்டப்பொருள்
1 மாண்புமிகு பள்ளிக்கல்வித் துறை அமைச்சர் அவர்கள் பொதுத்தேர்வுகள் குறித்த
அறிவுரை வழங்குதல்,
பொதுத்தேர்வு முன்னேற்பாடு பணிகள்:
(1) விடைத்தாட்கள் பாதுகாப்பு.
(2) வழித்தடம் திட்டமிடுதல்.
(3) வழித்தட அலுவலருக்கான வாகன வசதி / ஆயுதம் ஏந்திய காவலர் ஏற்பாடு செய்தல்.
(4) தேர்வு மையங்களில் உள்ள வசதிகள்.
(5) வினாத்தாள் கட்டுக்காப்பு மையங்கள் - பாதுகாப்பு ஏற்பாடுகள்.
(6) மாவட்ட அளவிலான கூட்டம்:
(i) மாவட்ட ஆட்சியர் தலைமையிலான கூட்டம்.
(ii) கண்காணிப்பு அலுவலர் கூட்டம்.
(7) தேர்வு மைய பாதுகாப்பு ஏற்பாடுகள்.
மாற்றுத் திறனாளி தேர்வர்களுக்கு சலுகைகள் வழங்குவது குறித்து.
(i) சொல்வதை எழுதுபவர்-புதிய நடைமுறை குறித்த ஏற்பாடுகள்..
(ii) சொல்வதை எழுதுபவர் பணி மேற்கொள்ளும் தன்னார்வலர்கள் பயிற்சி.
(iii) திருப்புதல் தேர்வில் - சொல்வதை எழுதுபவர் பணிக்கான ஏற்பாடுகள்.
தேர்வுப்பணியில் ஈடுபடும் அலுவலர்களுக்கான நிலையான செயல்பாட்டு நெறிமுறைகள் - விவாதித்தல்
ليست هناك تعليقات:
إرسال تعليق
கல்விச்செய்தி நண்பர்களே.. வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.