தஞ்சாவூர் சாஸ்த்ரா பல்கலைக்கழகத்தில் பொறியியல் சேர்க்கைக்கு தரவரிசை பட்டியல் வெளியீடு

தஞ்சாவூர் சாஸ்த்ரா பல்கலைக்கழகத்தில் பொறியியல் சேர்க்கைக்கு தரவரிசை பட்டியல் வெளியீடு

தஞ்​சாவூர் சாஸ்த்ரா நிகர்​நிலை பல்​கலைக்​கழகத்​தின் 2025-2026-ம் ஆண்​டுக்​கான பொறி​யியல் சேர்க்​கைக்​கான தரவரிசைப் பட்​டியல் நேற்று வெளி​யிடப்​பட்​டது. இதில், சாஸ்த்ரா நிகர்​நிலைப் பல்​கலைக்​கழகத்​தின் பல்​வேறு பி.டெக். படிப்​பு​களுக்​கான சேர்க்​கைக்​கான தரவரிசைப் பட்​டியலில் 4 மாணவி​கள் முன்னிலையில் உள்​ளனர். முதல் பிரி​வில் (ஸ்ட்​ரீம் 1) (ஜேஇஇ மெயின் & 12-ம் வகுப்பு மதிப்​பெண்​களின் அடிப்​படை​யில் 50 சதவீத இடங்​கள்) ஆந்​திரப் பிரதேசத்​தின் கர்​னெலம்​பாளை​யத்​தில் உள்ள சைதன்யா ஜூனியர் கல்​லூரியைச் சேர்ந்த அகேலா மேகவன் சர்மா 99.39 மதிப்​பெண்​களு​டன் முதலிடம் பிடித்​துள்​ளார். இவர் 12-ம் வகுப்​பில் 1000-க்கு 991 மதிப்​பெண்​களும், ஜேஇஇ மெயின் தேர்​வில் 99.69 மதிப்​பெண்​களும் பெற்​றிருந்​தார். மேலும், தெலங்​கா​னா​வின் பேகம்​பேட்​டை​யில் உள்ள சைதன்யா ஜூனியர் கல்​லூரியைச் சேர்ந்த புர்ரா நிஷிதா 98.30 மதிப்​பெண்​களு​டன் 2-ம் இடத்​தைப் பிடித்​தார். இரண்​டாம் பிரி​வில்​(ஸ்ட்​ரீம் 2) 12-ம் வகுப்பு மொத்த மதிப்​பெண்​களின் அடிப்​படை​யில், தெலங்​கா​னா​வின் கம்​மம் எஸ்​.ஆர்​.ஜூனியர் கல்​லூரியைச் சேர்ந்த இந்​தூரி ரஷ்மிதா 1000-க்கு 996 மதிப்​பெண்​களு​டன் முதலிடத்​தை​யும், சென்னை கே.கே.நகரில் உள்ள பிஎஸ்​பிபி பள்​ளியைச் சேர்ந்த அக் ஷயா சிவகுரு 500-க்கு 498 மதிப்​பெண்​களு​டன் 2-ம் இடத்​தை​யும் பிடித்​தனர்.

இணையவழி மூலம்...

விண்​ணப்​பங்​கள் நேற்று மாலை 5 மணி வரை பெறப்பட்​டு, உடனடி​யாக தர வரிசைப் பட்​டியல் வெளி​யிடப்​பட்​டது. எந்த நுழைவுத் தேர்​வை​யும் நடத்​தாமல் ஜேஇஇ முதன்மை தேர்வு மற்​றும் 12-ம் வகுப்பு மதிப்​பெண்​களை சேர்த்​து, அதன் அடிப்​படை​யில் மாணவர் சேர்க்​கையை சாஸ்த்ரா நிகர்​நிலை பல்​கலைக்​கழகம் நடத்​துகிறது. இவ்​வாறு சேர்க்கை நடத்​தும் ஒரே நிகர்​நிலைப் பல்​கலைக்​கழகம் சாஸ்த்ரா மட்​டும்​தான். விரி​வான தரவரிசை பட்​டியல்​கள் www.sastra.edu என்ற இணை​யதளத்​தில் வெளி​யிடப்​பட்​டுள்​ளது. தகுதி அடிப்​படையி​லான வெளிப்​படை​யான மாணவர் சேர்க்கை இணை​ய​வழி மூலம் இன்று (ஜூன் 15) முதல் நடை​பெற உள்​ளது. முதலில் மாணவர்​கள் பாடப் பிரிவை தேர்ந்​தெடுக்க வசதி​யாக வாய்ப்​பு​கள் வழங்​கப்​பட்​டு, பின்​னர் இடம் ஒதுக்​கீடு செய்யப்​படும். தஞ்​சாவூர் மற்​றும் திருச்சி மாவட்​டங்​களை சேர்ந்த மாணவர்​களுக்கு 20 சதவீத இடங்​கள் ஒதுக்​கீடு செய்​யப்பட உள்​ளன. நடப்​பாண்டு ஆக.1 முதல் வகுப்​பு​கள் தொடங்​கப்​படும் என்​றும் சாஸ்த்​ரா​வின் துணைவேந்​தர் எஸ்​.​வைத்​திய சுப்​பிரமணியம் தெரிவித்​துள்​ளார்.