Census 2027: பள்ளி வகுப்புகள் பாதிக்கக்கூடாது! ஆசிரியர்களுக்கு 50% சுழற்சி முறை பணி - கள்ளக்குறிச்சி CEO அதிரடி சுற்றறிக்கை!

Census 2027: பள்ளி வகுப்புகள் பாதிக்கக்கூடாது! ஆசிரியர்களுக்கு 50% சுழற்சி முறை பணி - கள்ளக்குறிச்சி CEO அதிரடி சுற்றறிக்கை!

மக்கள் தொகை கணக்கெடுப்பு 2027: ஆசிரியர்களுக்கு சுழற்சி முறை பணி - கள்ளக்குறிச்சி CEO புதிய சுற்றறிக்கை!

கள்ளக்குறிச்சி: 2027-ஆம் ஆண்டுக்கான முதல்கட்ட மக்கள் தொகை கணக்கெடுப்பு பணிகள் தமிழ்நாடு முழுவதும் தொடங்கப்பட்டுள்ள நிலையில், அதில் ஈடுபடும் ஆசிரியர்களுக்கான பணி வழிகாட்டுதல்கள் மற்றும் சுழற்சி முறை குறித்த முக்கிய சுற்றறிக்கையை கள்ளக்குறிச்சி மாவட்ட முதன்மைக் கல்வி அலுவலர் (CEO) வெளியிட்டுள்ளார்.

மாணவர்களின் கற்றல் பணி பாதிக்கக்கூடாது

கள்ளக்குறிச்சி மாவட்டத்தில் 01-08-2026 முதல் 31-08-2026 வரை நடைபெறவுள்ள வீட்டுப் பட்டியல் மற்றும் வீடுகள் கணக்கெடுப்பு (HLO - House Listing & Housing Census) பணியில் பல அரசு பள்ளி ஆசிரியர்கள் ஈடுபடுத்தப்பட்டுள்ளனர். பள்ளிகளில் மாணவர்களின் கற்றல் கற்பித்தல் பணி எவ்விதத்திலும் பாதிக்கப்படக்கூடாது என்பதைக் கருத்தில் கொண்டு, இப்புதிய சுழற்சி முறை ஆணையிடப்பட்டுள்ளது.

சுற்றறிக்கை சுருக்கம்:
கணக்கெடுப்பு பணியில் ஈடுபடும் ஆசிரியர்கள் முழு நாளும் அப்பணியை செய்யக்கூடாது. பள்ளியில் கற்றல் பணிகளை முடித்துக்கொண்டோ அல்லது காலை/மாலை நேர சுழற்சி முறையிலோ மட்டுமே இப்பணியை மேற்கொள்ள வேண்டும்.

முதன்மை கல்வி அலுவலரின் முக்கிய நிபந்தனைகள்:

• 50% சுழற்சி முறை: கணக்கெடுப்பு பணி ஆணை பெற்ற ஆசிரியர்களில் 50% பேர் காலை வேளையில் பள்ளியில் கற்றல் கற்பித்தல் பணிகளை முடித்துவிட்டு, மாலையில் கணக்கெடுப்பு பணிக்கு செல்ல வேண்டும்.
• காலை நேர களப்பணி: மீதமுள்ள 50% ஆசிரியர்கள் காலை நேரத்தில் கணக்கெடுப்பு பணிகளை முடித்துவிட்டு, பள்ளிக்கு வந்து தங்களது வருகையைப் பதிவு செய்து கற்றல் பணியை மேற்கொள்ள வேண்டும்.
• இயக்க பதிவேடு (Movement Register): ஆசிரியர்கள் பள்ளியிலிருந்து கணக்கெடுப்பு பணிக்கு வெளியெழும் போது, பள்ளியில் பராமரிக்கப்படும் 'இயக்க பதிவேட்டில்' கட்டாயம் பதிவு செய்ய வேண்டும்.
• முழு நாள் அனுமதி இல்லை: கணக்கெடுப்பு பணிக்காக ஆசிரியர்களை நாள் முழுவதும் பள்ளியிலிருந்து விடுவிக்கக்கூடாது என தலைமையாசிரியர்களுக்கு உத்தரவிடப்பட்டுள்ளது.

தலைமையாசிரியர்களுக்கு அறிவுறுத்தல்

இவ்விதிகளின்படி ஆசிரியர்களை சுழற்சி முறையில் பணிவிடுப்பு செய்து அனுப்ப நடவடிக்கை எடுக்குமாறு கள்ளக்குறிச்சி மாவட்டக் கல்வி அலுவலர்கள் (DEO) மற்றும் வட்டாரக் கல்வி அலுவலர்களுக்கு (BEO) முதன்மைக் கல்வி அலுவலர் உத்தரவிட்டுள்ளார்.

---

கல்வித்துறை மற்றும் அரசுப் பணிகள் தொடர்பான உடனுக்குடனான செய்திகளுக்கு நமது பிளாக்கர் பக்கத்தை பின்தொடரவும்!